ថៅកែបូមខ្សាច់ឈ្មោះ ឡុង ហ៊ាង កំពុងធ្វើអាជីវកម្មបូមខ្សាច់បំពានលើច្បាប់អនុញ្ញាតពីក្រសួងរ៉ែនិងថាមពលគ្មាន់អ្នកបង្ក្រាប
15-May-2016 | ដោយ មែន កំសត់
ខេត្តកណ្ដាល៖ ដោយសារមានការឃុបឃិតជាមួយប្រធានមន្ទីររ៉ែនិងថាមពលខេត្តកណ្ដាល ថៅកែបូមខ្សាច់ឈ្មោះ ឡុង ហ៊ាង កំពុងធ្វើអាជីវកម្មបូមខ្សាច់បំពានលើច្បាប់អនុញ្ញាតពីក្រសួងរ៉ែនិងថា មពល បូមខុសទិសដៅពីការកំណត់ដោយក្រសួងជំនាញ។
ប្រជាពលរដ្ឋនៅក្នុងឃុំរការកោងទី១ បានព្រួយបារម្ភយ៉ាងខ្លាំងពីការបាក់ស្រុតលំនៅឋានរបស់ពួកគាត់ អាចនិងធ្លាក់ចូលទន្លេថ្ងៃណាមួយ បើអាជ្ញាធរ សមត្ថកិច្ចស្ថាប័នជំនាញមិនអើពើ ឬកំពុងទាញយកលាភសក្ការៈពីបុគ្គល ឡុង ហ៊ាង ។
ប្រភពនិយាយថាៈទីតាំងបូមខ្សាច់របស់ ឡុង ហ៊ាង ហៅ ណាំហ៊ាង គឺមានទីតាំងបូមខ្សាច់ស្ថិតនៅឯភូមិស្វាយជ្រុំ ឃុំព្រែកដំបង ស្រុកមុខកំពូល ដែលមានចម្ងាយខុសពីក្រសួងជំនាញអនុញ្ញាត ឆ្ងាយពីគ្នាជិត៣គីឡូម៉ែត្រឯណោះ ប៉ុន្តែករណីនេះអាចមានការសមគំនិត ឃុបឃិតរវាងឈ្មួន ឡុង ហ៊ាង ហៅ ណាំហ៊ាង ជាមួយនឹងចៅហ្វាយស្រុកមុខកំពូល ប្រធានមន្ទីររ៉ែនិងថាមពលខេត្ត ទើប ណាំហ៊ាង យកសាឡាងបូមខ្សាច់មកដាក់ក្បែរព្រុំប្រទល់ស្រុកកងមាស ខេត្តកំពង់ចាម ជិតបង្កើយនិងសាលា ឃុំរកាកោងទី១ ស្រុកមុខកំពូល ខេត្តកណ្ដាល។
ថ្មីៗនេះខាងក្រសួងរ៉ែនិងថាមពល អាចនិងគ្រប់គ្រាន់រឿងប្រយោជន៍ណាមួយចំពោះអាជីវកម្មខ្សាច់ ទើបមិនមានវិធានការចុះត្រួតពិនិត្យទីទាំងបូមខ្សាច់នៅស្រុកមុខកំពូលរបស់ មេឈ្មួញ ឡុង ហ៊ាង ហើយបង្វែទិសដៅមកពិនិត្យតែបញ្ហាការជីករណ្ដៅដី ការដឹកថ្មរបស់ក្រុមហ៊ុន និងប្រជាពលរដ្ឋធ្វើអាជីវកម្មប៉ុណ្ណោះ។
ជុំវិញករណីខាងលើនេះមិននអាចសុំការបំផ្លឺពីលោកឡុង ហ៊ាងមេឈ្មួញបូមខ្សាចខាងលើនេះបានឡើយព្រោះទូរសព្ទលោកមិនអាចទទួលកាហៅចូលបាន៕
ចំនួនអ្នកទស្សនា
- ថ្ងៃនេះ2151
- ម្សិលមិញ4001
- សប្តាហ៍នេះ19741
- ខែនេះ214341
- ឆ្នាំនេះ214341
- សរុប20656797